. للظلم في عُرْف البشر سؤ تقدير
وللظلم في عين المعنَّىَ علامه .
. ياليل طال الليل ..سوق التباشير
وأشرق بصبحٍ مايوارى عظامه .
. دام الأمل موجود علَّ أمرنا خير
والله يجازي كل ليل بظلامه .
. ربي خلقنا دون رغبة وتخيِّير
دستور .. لكن ماعقلنا كلامه .
. خل المراكب في دياجيرها تسير
وكلن يحصِّل غايته في مرامه .
. واللي رموا هالطفل في غبَّة البير
عضَّوا على اللي صار كف الندامه .
. أبدا بقولي ثم أسوق التعابير
والقول قولي في عيون الرخامه .
. الوقت وافي ..بس من خانه كثير
والقوس يبكي من قساوة سهامه .
. ياما سمعنا من القصص والأساطير
أخبار تروي عين زرقا اليمامة .
. ماصدقوها يوم ساقوا المعاذير
وما للكرامة غير فعل الكرامه .
. رمز العدالة فوق صمت المقادير
والغدر ماله غير رآس النعامه .
. وحروب جساسٍ مع سالم الزير
ورجال تمشي في الدروب بسلامه .
. واللي يحاذي نافخ الكير بالكير
يكوى ويدفع فوق كيَّه غرامه .
. واحنا بشر مثل البشر مالنا غير
نمشي ونبغا العمر يحسن ختامه .
. في موكبي ضمِّيتْ ناسٍ مشاهير
وفي رحلتي خطِّيت معنى الزعامه .
الشاعر:::
عبدالرحمن آل زاحم